Show/Hide Menu
ताजा समाचार
काठमाडौं । नेकपा (एमाले) का अध्यक्ष केपी शर्मा ओली सङ्घीय संसद भवन नयाँ बानेश्वरमा शुक्रबार उपराष्ट्रपति पदका लागि मतदान गरेका छन् ।
यसअघि प्रधानमन्त्री प्रचण्ड, नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधवकुमार नेपालले समेत मतदान गरिसकेका छन् ।
नयाँबानेश्वरस्थित संघीय संसद भवनको ल्होत्से हलमा बिहान १० बजेबाट मतदान कार्य सुरु भएको हो । निर्वाचन आयोगका अनुसार मतदान कार्य अपरान्ह ३ बजेसम्म चल्नेछ ।
उपराष्ट्रपति पदमा रामसहायप्रसाद यादव, अष्टलक्ष्मी शाक्य र ममता झाले उम्मेदवारी दिएका छन् । राष्ट्रपति र उपराष्ट्रपति निर्वाचनको मतदातामा संघीय संसद र प्रदेशसभा सदस्य रहनेछन् ।
