Show/Hide Menu
ताजा समाचार
बूढानिलकण्ठ। नेपाली कांग्रेस बुढानिलकण्ठ नगर कार्यसमितिले स्वर्गीय गिरिजा प्रसाद कोइरालाको १०१ औं जन्मजयन्तीको अबसरमा बृहत रक्तदान कार्यक्रम आयोजना गरेको छ। यहि असार १८ गते मंगलबार बुढानिलकण्ठ-८ स्थित अल्फा मार्ट सुन्दरबस्तिमा आयोजित कार्यक्रममा ५२ जनाले रक्तदान गरेको नेपाली कांग्रेस बुढानिलकण्ठ नगर कार्यसमितिका सभापति राजाराम बुढाथोकीले जानकारी दिएका छन्।
नेपाली कांग्रेस बुढानिलकण्ठ – ८ वडा कार्यसमितिको सह आयोजनामा आयोजित उक्त रक्तदान कार्यक्रमबाट प्राप्त रगत समाजसेवा र स्वास्थ्य क्षेत्रका लागि अत्यन्त महत्वपूर्ण हुने आयोजकको भनाइ छ।
