Show/Hide Menu
ताजा समाचार
काठमाडौं । प्रधानमन्त्री के.पी. शर्मा ओली र भारतीय समकक्षी नरेन्द्र मोदीबीच दुई पक्षिय भेटवार्ता हुने भएको छ ।
परराष्ट्र मन्त्री डा. आरजु राणा देउवाले भारतीय प्रधानमन्त्री नरेन्द्र मोदीसँग प्रधानमन्त्री के.पी. ओलीको द्विपक्षीय भेटवार्ता तय भएको जानकारी गराएकी हुन् ।
थाइल्याण्डको बैंककमा आगामी शुक्रवारबाट शुरु हुने बिमस्टेक शिखर सम्मेलनको दौरान द्विपक्षीय भेट हुन लागेको हो । प्रधानमन्त्रीसँगै थाइल्याण्ड भ्रमणमा रहेकी परराष्ट्रमन्त्री राणाले भेट सकारात्मक र फलदायी हुने विश्वास लिएको बताइन् ।
मन्त्री राणाले नेपाल र थाइल्याण्ड सरकारबीच बहुक्षेत्रीय प्राविधिक तथा आर्थिक सहयोगको क्षेत्रमा महत्वपूर्ण सम्झौताहरु भएको बताइन् । उनले थाइल्याण्डको निजी क्षेत्रले समेत नेपालसँग मिलेर प्रविधिको क्षेत्रमा कामहरु गर्ने इच्छा जाहेर गरेको बताइन् ।
मन्त्री राणाले नेपालका र थाइल्याण्डका विभिन्न विश्वविद्यालयहरुबीच सम्झौतामा हस्ताक्षर भएको उल्लेख गर्दै सरकार त्यही अनुसारको कार्ययोजना बनाएर अघि बढ्ने बताइन् ।
