Show/Hide Menu
ताजा समाचार
काठमाडौँ । बालउद्धार माविले आफ्नो ३६ औँ वार्षिकोत्सव कार्यक्रम सम्पन्न गरेको छ ।
बुढानीलकण्ठ नगरपालिका वडा नं १० मा रहेको सो विद्यालयले जेठ २३ गते शुक्रबार विद्यालय प्रांगणमा एक भव्य समारोहका बीच वार्षिकोत्सव कार्यक्रम सम्पन्न गरेको हो ।
विद्यालय व्यवस्थापन समितिका अध्यक्ष ध्रुवप्रसाद घिमिरेको अध्यक्षतामा आयोजित सो कार्यक्रमको प्रमुख अतिथिका रुपमा बुढानीलकण्ठ नगरपालिकाका नगर प्रमुख मिठाराम अधिकारी रहेका थिए ।
सो कार्यक्रममा प्रमुख अतिथि नगर प्रमुख अधिकारीले विद्यालयका उत्कृष्ट शिक्षकहरुलाई नगदसहित सम्मानपत्रबाट सम्मानित गरेका थिए । सम्मानित हुने शिक्षकहरुमा पदम पौडेल, विनोद पन्त, इन्दिरा बस्नेत र अहिल्या भट्टराई रहेका छन् ।
विद्यालय व्यवस्थापन समितिका अध्यक्ष ध्रुवप्रसाद घिमिरेले विद्यालयको विगतदेखि वर्तमानसम्मको भौतिक अवस्थितिबारे जानकारी दिएको सो कार्यक्रममा विद्यालयका प्रधानाध्यापक विनोद पण्डितले विद्यालयको शैक्षिक तथा आर्थिक पक्षबारे जानकारी दिएका थिए । कार्यक्रममा अक्षयकोष दाताहरुले अक्षयकोषको वार्षिक व्याजबाट प्राप्त नगद हरेक कक्षाका गरिब तथा जेहेन्दार विद्यार्थीहरुलाई प्रदान गरेका थिए ।
विशिष्ट कलाकार राजा राजेन्द्रको बेजोड प्रस्तुति रहेको सो कार्यक्रममा विद्यालयका विद्यार्थीहरुले आकर्षक नृत्य तथा गीतबाट मनोरञ्जन प्रदान गरेका थिए ।
सहायक प्रधानाध्यापक मुरारीकुमार ढकालले समापन मन्तव्य दिएको सो कार्यक्रमको सञ्चालन विद्यालयमा अध्ययनरत छात्राहरु रचना कठेत, शिक्षा दाहाल र श्रेता पौडेलले गरेका थिए ।
भव्य एवं सभ्य रुपमा सम्पन्न सो कार्यक्रममा स्थानीय समाजसेवी, अभिभावक, पत्रकार, विभिन्न विद्यालयका प्रधानाध्यापक, विद्यालयमा कार्यरत शिक्षक तथा विद्यार्थीहरुको बाक्लो उपस्थिति रहेको थियो ।
