Show/Hide Menu
ताजा समाचार
काठमाडौं । कपन बानेश्वर (कबा) साहित्यिक साप्ताहिक पत्रिकाको तेह्रौं वार्षिकोत्सवको अवसर पारेर चलचित्र अटिजम युट्युव च्यानल मार्फत सार्वजनिक गर्दै विभिन्न व्यक्तित्वहरुलाई पुरस्कृत गरी भव्य रुपमा सम्पन गरिएको छ । नेपालको पहिलो र एक मात्र साहित्यिक साप्ताहिक पत्रिकाको रुपमा लोकप्रियता हाँसिल गरेको कबा पत्रिका २०६९ सालदेखि निरन्तर रुपमा प्रकाशित हुँदै आइरहेको छ ।
वरिष्ठ साहित्यकार गङ्गा पौडेल संयोजक र कबाका स्तम्भकार एवं कवि त्रिलोचन आचार्य ,कबा साहित्यकार उपचार कोषका अध्यक्ष दुर्गा अधिकारी भमरकोटे सदस्य रहेको प्रतिभा चयन समितिको सिफारिसको आधारमा प्रतिभा चयन गरि पुरस्कृत र सम्मानित गरिएको थियो ।
साहित्य सदन रामहिटी बौद्धमा आयोजना गरिएको उक्त कार्यक्रममा उपस्थित अभ्यागतहरुलाईनै प्रमुख अतिथिको रुपमा स्विकार गरि कबा विशिष्ट सम्मानद्वारा मदनराज थापा,चन्द्रा न्यौपाने र मुरलीप्रसाद ढकाललाई साथै कबा सम्मानद्वारा शम्भु चालिसे र रन्जु खनाललाई प्रदान गरिएको थियो । यसैगरी महेन्द्र चालिसे कबा साहित्यिक पत्रकारिता पुरस्कारबाट उद्धव अविचललाई,नालाङ् कबा रचना पुरस्कार राजेशमान केसीलाई,पुष्करप्रसाद श्यामा खरेल स्मृति कबा रचना पुरस्कार प्रीति कौरलाई, गङ्गा लिगल कबा रचना पुरस्कार रामकुमार श्रेष्ठ ‘फुच्चे’ लाई हेमगङ्गा कबा रचना पुरस्कार पूजा शाहीलाई र भमरकोटे कबा सुसेली पुरस्कार सुरेशचन्द्र घिमिरेलाई पुरस्कृत तथा सम्मानित गरिएको थियो ।
सो अवसरमा सम्मानित तथा पुरस्कृत व्यक्तित्वहरुलाई प्राडा हेमनाथ पौडेल,शुकदेव उपाध्याय,प्राडा गोबिन्दमान सिंह कार्की,प्रल्हाद पोखरेल, गोविन्द घिमिरे ‘वेदमणी’ मोहन चापागाईं,कृष्ण सुवेदी,विक्रम श्रेष्ठ’सागर’ओमप्रसाद कोइरालाद्वारा प्रमाणपत्र प्रदान गरिएको थियो भने दुर्गा अधिकारी भमरकोटे,गङ्गा पौडेल ,महेन्द्र चालिसे,गङ्गा लिगल र सन्चिता खरेलद्वारा नगद राशि प्रदान गरिएको थियो ।
यसैक्रममा ध्रुवराज थापा’पुरुष’ वासुदेव पौडेल,चेवन बस्नेत, मदन नेपाल,बद्रीनाथ पौडेल,विमल अर्याल,भगवान कोइराला, पुष्कर जङ्गम,म्हेन्डुप लामा,सन्तोषकुमार पोखरेल आलोक चालिसे,रामकुमार पण्डित,कृष्ण आचार्य,अमर अधिकारी,रजनी बस्नेत,करुणा पोखरेल,यदुनाथ वसन्तपुरे,कृष्ण सुवेदी ‘निराकार’ रमेशप्रसाद खनाल,गीता बराल, बुद्धिप्रसाद तिमल्सिना,जमुना पोखरेलद्वारा खादा लगाइएको थियो । यसैगरि ,विजयध्वज थापा केशव सान्दाइ,सुशील आचार्य, भलाद्मी भोला,जयराम बिडारी,अरुणा ढकाल,किशोर श्रेष्ठ, श्रीप्रसाद पौडेल,प्रकाश बस्नेत ‘गफाडी’ नारायणप्रसाद जोशी,कृष्णप्रसाद पौडेल’जस्ताघरे’ लगायतले सास लगाइ सम्मानित गरिएको थियो ।
कार्यक्रममा कबाका स्तम्भकार तथा कवि त्रिलोचन आचार्यद्वारा स्वागगत मन्तव्य राखिएको थियो । मन्तव्यका क्रममा आचार्यले भाषा,साहित्य र कलाको माध्यमबाट जीवनमा विशिष्ट सन्तुष्टि प्राप्त हुने कुरा ब्यक्त गर्दै थियो । साहित्यको क्षेत्रमा विशेष योगदान पुर्याउनुहुने स्रष्टाहरुलाई सम्मान गर्ने कबाको मूलभूत उद्देश्य रहेकोले यस्ता गतिविधिले साहित्यिक उन्नयनमा वृद्धि हुने विचार ब्यक्त गर्दै उपस्थित सबैलाई न्यानो स्वागतका साथ संस्थागत गतिविधि र कार्यक्रम बारे प्रकाश पारेका थिए ।
सो समारोहमा बोल्दै दुर्गा अधिकारी भमरकोटेद्वारा साहित्यकार सर्जकहरु काव्यिक सृजनशिलताका संबाहक हुने भएकोले मनका अत्यन्त सुकिला अनि ब्यवहारमा स्पष्टता हुनुपर्ने बताउँदै साहित्य समाजको निर्देशक ऐना भएकोले सो को प्रतिबिम्ब र प्रोत्साहन स्वरूप आजको कार्यक्रम रहेको बताउँदै साहित्यकार उपचार कोषका बारेमा प्रष्ट पारिएको थियो । सोही क्रममा संक्षिप्त धारणा राख्दै कबाका प्रधान सम्पादक तथा चलचित्र अटिजमका कथाकार एवं निर्माता निवन्ध आचार्यद्वारा चलचित्र अटिजमको सामान्य जानकारीका साथै युवाहरुको बिदेश पलायनलाई रोक्ने सार्थक प्रयासलाई मुख्य विषयवस्तु बनाएर सन्देश र चेतना प्रवाहित गर्ने उद्देश्यले निर्माण गरिएको चलचित्र अटिजमलाई आजैका मितिबाट kapan baneshwor you tube channel मार्फत प्रशारण गरिएकोले लाइक कमेन्न्ट र सब्स्क्राइब गरिदिनुहुन साहित्यकार तथा दर्शकलाई आग्रह गरिएको छ ।
कार्यक्रमका सभापति तथा उपन्यासकार शङ्कर भारतीद्वारा कपन बानेश्वको सुरुवाती चरणदेखि हालसम्मका विभिन्न आरोह अवरोहमा आफ्नो निरन्तर संलग्नता रहेको बताउँदै विभिन्न विधामा प्रदान गरिएका पुरस्कार तथा सम्मानले स्रष्टाहरुलाई प्रोत्साहन मिल्ने धारणा व्यक्त गरिएको थियो ।
सो समारोहमा हालसालै दिवंगत हुनुभएका गोरखा पत्रका पूर्व प्रशासक,वरिष्ठ पत्रकार तथा साहित्यकार एवं कवाका विशिष्ट सदस्य विजय चालिसे प्रति एक मिनेट मौन धारण गरिएको थियो । सयौंका संख्यामा उपस्थित साहित्यकार तथा साहित्यानुरागीहरुका उपस्थितिका बीच कबाका व्यवस्थापक विमल कोइराद्वारा सहजीकरण गरिएको सो कार्यक्रम भव्य रुपमा सम्पन्न गरिएको थियो ।
