Show/Hide Menu
ताजा समाचार
काठमाडौं । सर्वोच्च अदालतले नेपाली कांग्रेसका पूर्वसभापति एवं पूर्वप्रधानमन्त्री शेरबहादुर देउवा र उनकी पत्नी आरजु राणा देउवालाई पक्राउ नगर्न अन्तरिम आदेश जारी गरेको छ।
पूर्वप्रधानमन्त्री देउवा र उनकी पत्नी आरजु राणा देउवा विरुद्ध जारी गरिएको पक्राउ पुर्जी कानूनी आधार र पर्याप्त प्रमाणबिनै लिएको देखिएको ठहर गरेको हो ।
न्यायाधीश महेश शर्मा पौडेल र नित्यानन्द पाण्डे को संयुक्त इजलासले जारी गरेको अन्तरिम आदेशमा सम्पत्ति शुद्धीकरण अनुसन्धान विभाग र काठमाडौं जिल्ला अदालतले पक्राउ पुर्जी माग्दा तथा अनुमति दिँदा आवश्यक कानूनी प्रक्रिया पालना नगरेको उल्लेख गरिएको छ।
न्यायाधीशहरू महेश शर्मा पौडेल र नित्यानन्द पाण्डेयको इजलासले देउवा दम्पतीलाई पक्राउ नगर्न अन्तरिम आदेश दिएको हो।
गैरकानुनी रूपमा सम्पत्ति आर्जन गरेको उनीहरूमाथि आरोप छ । सम्पत्ति शुद्धीकरण अनुसन्धान विभागले अनुसन्धानका लागि जिल्ला अदालत काठमाडौंबाट पक्राउ पुर्जी लिइसकेको छ ।
जेनजी आन्दोलनका क्रममा देउवा र आरजुमाथि कुटपिट भएको थियो। सोही क्रममा बुढानिलकण्ठस्थित घरमा आगजनी हुँदा जलेका नोट भेटिएका थिए। त्यो विषय सार्वजनिक भएको थियो। त्यसपछि सम्पत्ति शुद्धीकरण विभागले देउवा निवास पुगेर मुचुल्का समेत उठाएको थियो। हाल देउवा दम्पती विदेशमा छन्।
