Show/Hide Menu
ताजा समाचार
काठमाडौँ । देउवा सरकारले शिक्षक तथा सरकारी कर्मचारीको तलब बढाउने भएको छ । आगामी साउन १ गतेदेखि लागू हुने गरी सरकारले तलब बढाउने तयारी गरेको हो ।
अर्थ मन्त्रालयले आगामी आर्थिक वर्ष २०७९/८० को बजेट भाषणमार्फत् शिक्षक तथा कर्मचारीको तलब बढाउने तयारी भएको बताएको छ ।
शुक्रबार मुख्यसचिव शंकरदास बैरागीको अध्यक्षतामा तलबभत्ता पुनरावलोकन समितिको बैठकले बजारमा देखिएको महँगीलाई मध्यनजर गर्दै शिक्षक र कर्मचारीको तलब बढाउन आवश्यक रहेको निष्कर्ष निकालेसँगै अब शिक्षक र कर्मचारीको तलब बढ्न लागेको हो ।
महँगीको अनुपातमा निजामती कर्मचारी, शिक्षक, सेना र प्रहरीको तलब बढाउन सरकार तयार भएसँगै जेठ १५ गते संसदमा अर्थमन्त्रीले वाचन गर्ने आगामी आर्थिक वर्षको बजेट भाषणमा कर्मचारीको तलब बढ्ने भएको छ ।
अर्थ मन्त्रालय स्रोतका अनुसार महँगीको अनुपात हेरेर र कर्मचारीको तहलाई मध्यनजर गर्दै हरेक तहका शिक्षक कर्मचारीको तलब दुई हजारदेखि ५ हजारसम्म बढाउने तयारी गरिएको छ ।
