Show/Hide Menu
ताजा समाचार
काठमाडौँ । आईसीसी विश्वकप लिग टु सिरिजअन्तर्गत नेपाली राष्ट्रिय क्रिकेट टोली र ओमानको राष्ट्रिय क्रिकेट टोलीबीच आज तेस्रो खेल हुँदैछ ।
अमेरिकाको टेक्ससस्थित मोसा क्रिकेट मैदानमा आज राति नेपाल र ओमानबीच प्रतिस्पर्धा हुने भएको छ । नेपाल र ओमानबीचको खेल नेपाली समय अनुसार राति सवा ९ बजे सुरु हुने भएको छ ।
ओमानविरुद्ध मैदान उत्रँदा नेपाल सिरिजमा पहिलो जितको खोजीमा हुनेछ । नेपाल ओमानलाई हराउँदै २ अंक जोड्न चाहन्छ । यस्तै नेपाल ओमानविरुद्ध पहिलो भेटमा व्यहोरेको हारको बदला लिन चाहन्छ ।
सिरिजअन्तर्गत पहिलो खेलमा नेपाललाई ओमानले १३ रनले हराएको थियो । यस्तै ओमान पनि नेपाललाई हराउँदै शीर्ष स्थानको अग्रता थप फराकिलो बनाउन चाहन्छ । ओमान ३५ खेलमा ४४ अंक जोडेर शीर्ष स्थानमा रहेको छ ।
