Show/Hide Menu
ताजा समाचार
काठमाडौं । पेरिस ओलम्पिक २०२४ को महिला फुटबल छनोटमा नेपाल भियतनामसँग ५-१ गोल अन्तरले पराजित भएको छ ।
काठमाडौंको दशरथ रंगशालामा सुरुदेखि नै घरेलु टोलीमाथि दबाब बनाएको भियतनाम ५-१ ले विजयी भएको हो ।
घरेलु टिमविरुद्ध भियतनामले पहिलो हाफमा ३-० को अग्रता बनाएको थियो । दोस्रो हाफमा दुई गोल थपेको भियतनामले एक गोल खायो ।
नेपालका लागि ८० औं मिनेटमा सरु लिम्बूको पासमा सावित्रा भण्डारीले किपरलाई विट गर्दै गोल गरिन् । खेलमा नेपाली खेलाडीले केही मौका पाए पनि गोल गर्न सकेनन् ।
नेपाली महिला टिमले खेलेको सबैभन्दा उच्च वरीयताको टिम नै भियतनाम हो। नेपाल फिफा वरीयताको १००औं स्थानमा छ। भियतनाम ३३औं स्थानमा छ ।
