Show/Hide Menu
ताजा समाचार
चितवन । गैँडाको आक्रमणबाट माडीमा एक जनाको मृत्यु भएको छ। मृत्यु हुनेमा माडी नगरपालिका –३ का ५६ वर्षीय छविलाल वोट रहेका छन्।
जिल्ला प्रहरी कार्यालयका प्रमुख गौतम मिश्रका अनुसार नजिकैको जंगलमा भैँसी चराउन गएका उनलाई गैँडाले आक्रमण गरेको हो। उनको घटनास्थलमै मृत्यु भएको उनले जानकारी दिए।
उनका अनुसार शव परीक्षणका लागि भरतपुर अस्पताल ल्याइएको छ।
यसैबीच माघे सङ्क्रान्तिका अवसरमा नुहाउन गएक एक जना देवघाटको झोलुंगे पुलबाट हामफालेर बेपत्ता भएका छन्।
लमजुङ घर भएका ४१ वर्षीय मदन परियार बेपत्ता भएका हुन्। परियारको खोजीकार्य जारी रहेको प्रहरीले जनाएको छ ।
