Show/Hide Menu
ताजा समाचार
काठमाडौं । नेकपा (एकीकृत समाजवादी) का अध्यक्ष माधवकुमार नेपालले सरकार दलाल पुँजीपति, विचौलियालाई पक्ष पोषण गर्नेगरी अघि बढिरहेको आरोप लगाएका छन् ।
आईतवार काठमाडौंमा आयोजित एक कार्यक्रमलाई सम्बोधन गर्दै नेपालले दलाल पुँजीलाई र विचौलियालाई पोस्ने काम सरकारले गर्न खोजिरहेको आरोप लगाए ।नेपालले यसबारेमा भण्डाफोर गर्न पार्टी निकट पत्रकारहरुलाई आग्रह पनि गरेका छन् ।
अध्यक्ष नेपालले समितिमा विचाराधिन रहेका विधेयकहरु फिर्ता नलिएसम्म अध्यादेश जारी गर्न नपाइने अवस्थालाई मिचेर सरकारले अध्यादेश जारी गरेको भन्दै कानूनको रक्षक हुनुपर्ने सरकार आफैँ कानूनको भक्षक बनेको आरोप पनि लगाए ।
अध्यक्ष नेपालले आफूहरुले विपक्षी दलहरुलाई बोलाएर सरकारको खबरदारी गरेको भन्दै आफूहरुले दिएको दबाबबाट आत्तिएर सरकार संसद अधिवेशन बोलाउन बाध्य भएको दाबी गरे । दबाबकै कारण संसदमा पेश गरेको अध्यादेश तत्काल अघि नबढाइएको पनि नेपालले बताए ।
