Show/Hide Menu
ताजा समाचार
काठमाडौं । बुढानीलकण्ठ नगरपालिका वडा नम्बर १२ कपनमा रहेको पुष्पलाल मेमोरियल सेकेण्डरी स्कुलले आफ्नो रजत महोत्सव मनाएको छ। आज चैत्र २ गते शनिवार बुढानीलकण्ठ नगरपालिका वडा नम्बर १० मा रहेको मिलन चोक पार्टी भेन्युमा भव्य रुपमा आयोजित कार्यक्रममा अभिभावक दिवस तथा सम्मान कार्यक्रम सहित रजत महोत्सव मनाइएको हो।
नेकपा एमालेका बरिष्ठ उपाध्यक्ष इश्वर पोख्रेलको प्रमुख आतिथ्यतामा सम्पन्न कार्यक्रममा विधालयका अध्यक्ष छन्द प्रसाद आचार्य ,निर्देशक केदार राज पुडासैनी, क्याम्पस प्रमुख शम्भु अधिकारी,प्रिन्सिपल नारायण तिम्सिना सहित सयौंको संख्यामा अभिभावक,शिक्षक तथा बिधार्थिहरुको उपस्थिति रहेको थियो।
विधालयका अध्यक्ष छन्द प्रसाद आचार्यको अध्यक्षतामा आयोजित कार्यक्रमको संचालन भाइस प्रिन्सिपल राजेन्द्र पुडासैनीले गरेका थिए भने बुढानीलकण्ठ नगरपालिकाका जनप्रतिनिधिहरु , विधालयका संचालकहरु अतिथिको रुपमा उपस्थित थिए।
कार्यक्रममा बिधार्थीहरुले बिभिन्न आकर्षक प्रस्तुतिहरु प्रस्तुत गरेका थिए भने बिभिन्न महत्वपूर्ण व्यक्तित्वहरुलाई सम्मान गरिएको थियो।
२०६२ सालमा नमूनादीप इङ्लिस बोर्डिङ स्कुलको नाममा स्थापित यो विधालय २४ बर्ष पुरा गरि २५ औं बर्षमा प्रवेश गरेको छ।
