Show/Hide Menu
ताजा समाचार
काठमाडौं । बुढानीलकण्ठ नगरपालिका वडा नम्बर १० कपनमा रहेको प्रिन्सटन एकेडेमीको १८ औं वार्षिकोत्सव कार्यक्रम भव्यरुपमा सम्पन्न भएको छ। आज चैत्र २ गते शनिवार विधालय प्रांगणमा आयोजित कार्यक्रममा अभिभावक दिवस तथा पुरस्कार वितरण कार्यक्रम सहित १८ औं वार्षिकोत्सव मनाइएको हो।
बुढानिलकण्ठ नगरपालिकाका प्रमुख मिठाराम अधिकारीको प्रमुख आतिथ्यतामा सम्पन्न कार्यक्रमको अध्यक्षता विधालयका प्रधानाध्यापक सुदीप काफ्लेले गरेका थिए।
कार्यक्रममा बुढानिलकण्ठ नगरपालिका वडा नम्बर १० का वडाध्यक्ष एबम नगर प्रवक्ता नवराज भट्टराई, सहायक प्रधानाध्यापक राजु श्रेष्ठसहित सयौंको संख्यामा अभिभावक,शिक्षक तथा बिधार्थिहरुको उपस्थिति रहेको थियो।
लामो समयदेखि शिक्षा क्षेत्रमा क्रियाशील रहेको सो विद्यालयको वार्षिकोत्सवका अवसरमा जेष्ठ नागरिक सम्मान,शिक्षक सम्मान, बिधार्थी सम्मान घरबेटी सम्मान लगायतका कार्यक्रम रहेका थिए।
कार्यक्रममा शिक्षक तथा बिधार्थीहरुले बिभिन्न आकर्षक प्रस्तुतिहरु प्रस्तुत गरेका थिए।
