काठमाडौं । बुढानिलकण्ठ नगरपालिकाका प्रमुख प्रशासकीय अधिकृत तुल्सीराम अर्यालको सरुवा भएको छ। २०७९ साल चैत्र २२ गते बुढानिलकण्ठ नगरपालिकामा हाजिर भएका उनले झन्डै २ बर्ष बिताएका छन्। झन्डै २ बर्ष कार्यकाल पुर्याएर बूढानिलकण्ठ नगरपालिकाको इतिहाँसमै सबैभन्दा लामो समय काम गर्ने प्रमुख प्रशासकीय अधिकृतको रुपमा आफूलाई उभ्याउन सफल भएका छन्।
बुढानिलकण्ठ नगरपालिकामा लामो समयसम्म जिम्बेवारिमा रहेर काम गर्ने प्रमुख प्रशासकीय अधिकृतहरु कमै छन् । हाल सम्म धेरै जसो प्रमुख प्रशासकीय अधिकृतहरु १ बर्ष भन्दा कम टिक्ने गरेका छन्।
तत्कालिन अबस्थामा जननिर्वाचित प्रतिनिधि नहुँदा विश्वराज मरासिनीले झन्डै डेढ बर्ष कार्यकारी अधिकृतको रुपमा कार्यकाल बिताएका थिए भने २०७८ सम्म सबैजसो अन्य अधिकृतहरुले १ बर्ष भन्दा कम कार्यकाल बिताएको रेकर्ड छ।
यस अघिका प्रमुख प्रशासकीय अधिकृत भुवनेश्वर लामिछानेले १५ महिना कार्यकाल बिताएर रेकर्ड कायम गरेका थिए।
यसैबीच बूढानिलकण्ठ नगरपालिकामा उपसचिव अजय बर्तौला प्रमुख प्रशासकीय अधिकृतको रुपमा सरुवा भएर आएका छन्। निजगढ नगरपालिका वारामा कार्यरत रहेका उनको बूढानिलकण्ठ नगरपालिकामा सरुवा भएको हो। राष्ट्रपाटीसंग कुरा गर्दै बर्तौलाले भोलि चैत्र ६ गते नगरपालिकामा हाजिर हुने जानकारी दिएका छन्।