Show/Hide Menu
ताजा समाचार
काठमाडौंँ । बुढानीलकण्ठ नगरपालिका वडा नम्बर १२ कपनमा रहेको प्रशान्ती एकेडेमीले दोस्रो अभिभावक सम्मेलन भव्य रूपमा सम्पन्न गरेको छ। बुढानीलकण्ठ नगरपालिका वडा नम्बर १२ कपनमा रहेको इभरशाइन पार्टी प्यालेसमा आयोजित उक्त सम्मेलनको अध्यक्षता विधालयका अध्यक्ष मुरारी भण्डारीले गरेका थिए भने कार्यक्रमको संचालन प्रिन्सिपल समिर बास्तोलाले गरेका थिए ।
बुढानीलकण्ठ नगरपालिकाका नगर प्रमुख मिठाराम अधिकारी प्रमुख अतिथि रहेको उक्त कार्यक्रममा बुढानीलकण्ठ नगरपालिका वडा नम्बर १२ का वडाध्यक्ष शम्भु प्रसाद भट्टराई , विभिन्न विधालयका प्रिन्सिपल तथा संचालकहरु , अभिभावक, शिक्षक, बिधार्थी सहित सयौं आमन्त्रितहरुको उपस्थिति रहेको थियो।
सामान्यतया अन्य विधालयहरुमा संचालन गरिने अभिभावक दिवस तथा बार्षिकोत्सव समारोहहरु भन्दा प्रशान्ती एकेडेमीले फरक शैलीमा कार्यक्रमहरु संचालन गर्ने गर्छ। यस कार्यक्रममा प्रत्येक अभिभावकले सम्मेलनमा आवश्यक इन्ट्री कार्ड सहित प्रवेश गर्ने तथा सम्मेलनको दौरानमा प्रशिक्षण लिनुपर्ने हुन्छ। आजको कार्यक्रममा अभिभावकहरुलाई ट्रेनर इश्वर श्रेष्ठले करिव दुइ घण्टा प्रशिक्षण दिएका थिए।
कार्यक्रममा बुढानीलकण्ठ नगरपालिकाका नगर प्रमुख मिठाराम अधिकारी, बुढानीलकण्ठ नगरपालिका वडा नम्बर १२ का वडाध्यक्ष शम्भु प्रसाद भट्टराई , विधालयका अध्यक्ष मुरारी भण्डारी लगायतले आफ्नो मन्तव्य राखेका थिए।
कार्यक्रममा बिधार्थीहरु तथा शिक्षकहरुले बिभिन्न आकर्षक प्रस्तुतिहरु प्रस्तुत गरेका थिए ।
