Show/Hide Menu
ताजा समाचार
बुढानीलकण्ठ। बुढानीलकण्ठ नगरपालिका वडा नं – १ ले तौलुंग जुम्बा क्लवको सहकार्यमा हरितालिका तिजको अबसरमा शुभकामना आदान प्रदान तथा तिज विशेष कार्यक्रम सम्पन्न गरेको छ। बुढानीलकण्ठ नगरपालिका वडा नं – १ का वडा सदस्य चण्डिका रैलाको अध्यक्षता एवं बागमती प्रदेश सरकारका श्रम, रोजगार तथा यातायात मन्त्री जयराम थापाको प्रमुख आथित्यतामा होटल लेमन ट्री प्रिमिएरमा आयोजित विशेष समारोह भव्य रुपमा सम्पन्न भएको वडाध्यक्ष सुरेन्द्र लामाले जानकारी दिएका छन्।
कार्यक्रममा बुढानीलकण्ठ नगरपालिकाका नगर उपप्रमुख अनिता लामा, प्रमुख प्रशासकीय अधिकृत अजय बर्तौला, बुढानिलकण्ठ -१२ का वडाध्यक्ष शम्भु प्रसाद भट्टराई , बुढानिलकण्ठ -१ का वडाध्यक्ष सुरेन्द्र लामा ,नेकपा (एमाले) प्रतिनिधि सभा निर्वाचन क्षेत्र समन्वय कमिटी क्षेत्र नं ४ काठमाडौका संयोजक राजन कुमार पोख्रेल, नेकपा (एमाले) निर्वाचन क्षेत्र समन्वय कमिटी क्षेत्र नं ४ (२) का संयोजक गोबिन्द कटुवाल, वडा सदस्यहरु लगायत सयौंको संख्यामा महिलाहरुको उपस्थिति रहेको थियो।
बुढानिलकण्ठ -१ का वडाध्यक्ष सुरेन्द्र लामाले स्वागत मन्तव्य राखेको उक्त कार्यक्रममा बागमती प्रदेश सरकारका श्रम, रोजगार तथा यातायात मन्त्री जयराम थापा,बुढानीलकण्ठ नगरपालिकाका नगर उपप्रमुख अनिता लामा,बुढानिलकण्ठ -१२ का वडाध्यक्ष शम्भु प्रसाद भट्टराई लगायतले आफ्नो मन्तव्य राखेका थिए।
प्रमुख अतिथिले पानसमा बत्ति बालेर उद्घाटन गरेको कार्यक्रममा बुढानीलकण्ठ नगरपालिका वडा नं – १ कार्यालय तथा होटल लेमन ट्री प्रिमिएरले मन्त्री जयराम थापालाई सम्मान गरेका थिए। उक्त कार्यक्रममा बिभिन्न महिला कलाकार तथा स्थानियहरुले बिबिध प्रस्तुतिहरु प्रस्तुत गरेका थिए।
