Show/Hide Menu
ताजा समाचार
काठमाडौँ । राष्ट्रिय स्वतन्त्र पार्टी (रास्वपा) ले वैशाख १५ गतेदेखि जिल्ला अधिवेशन सुरु गर्ने भएको छ ।
आइतबार पार्टी केन्द्रीय कार्यालयमा बसेको सचिवालय बैठकले वैशाख १५ देखि जिल्ला अधिवेशन सुरु गर्ने निर्णय गरेको प्रवक्ता मनिष झाले जानकारी दिए ।
उहाँका अनुसार सचिवालय बैठकमा अधिवेशन सञ्चालनसम्बन्धी तयारीबारे छलफल गरिएको थियो ।
यसैबीच, रास्वपाको केन्द्रीय समिति बैठक सोमबार बस्ने भएको छ । सो बैठकमा सचिवालय बैठकले गरेका निर्णयहरू अनुमोदन गर्ने कार्यसूची तय गरिएको प्रवक्ता झाले बताए ।
केन्द्रीय समिति बैठक पार्टी केन्द्रीय कार्यालयमा बस्नेछ ।
