Show/Hide Menu
ताजा समाचार
काठमाडौं । प्रधानमन्त्री बालेन्द्र (बालेन) शाहलाई भारत भ्रमणको औपचारिक निम्तो आएको छ। भारतीय विदेश मन्त्रालयका प्रवक्ता रणधीर जैसवालले प्रधानमन्त्री शाहलाई औपचारिकरूपमा निम्तो पठाइएको बताए।
नयाँ दिल्लीमा आयोजित नियमित प्रेस ब्रिफिङमा सञ्चारकर्मीले सोधेको प्रश्नको जवाफ दिँदै उनले भने, ‘हो, नेपालका प्रधानमन्त्रीलाई भारत भ्रमणको निम्तो पठाइएको छ।’
प्रधानमन्त्री शाहलाई भारत भ्रमण निम्तो पठाइए पनि जाने मिति भने तय भइसकेको छैन। भारतीय विदेश मन्त्रालयका प्रवक्ताले पनि भ्रमणको मितिबारे केही बताएनन्।
प्रधानमन्त्रीका प्रमुख सल्लाहकार कुमार बेन परराष्ट्र मन्त्रालयलाई छलेर हालै भारत भ्रमणमा गएको विषय सार्वजनिक भएको थियो। यस विषयमा प्रधानमन्त्री कार्यालयले भने कुनै जवाफ दिएको छैन।
