चोलेन्द्रको बयान भोलि पनि लिने

राष्ट्रपाटी न्युज

१५ भाद्र २०७९

काठमाडौं । प्रतिनिधिसभाको महाअभियोग सिफारिस समितिले निलम्बित प्रधानन्यायाधीश चोलेन्द्रशमशेर जबराको बिहीबार पनि बयान लिने भएको छ ।

बुधबार उनको बयान नसकिएपछि बिहीबार पनि लिने समितिका सदस्य नेपाली कांग्रेसका सांसद मीन विश्वकर्माले बताए ।  समितिले जबरालाई सोध्ने ४३ वटा प्रश्न तयार पारेको थियो । तर बुधबार ४ वटा प्रश्नको मात्र जवाफ दिएका छन् ।

बुधबार बयान दिएका जबराले आफूमाथिको महाअभियोग प्रस्ताव नै अवैध रहेको बताए । प्रतिनिधिसभाको एउटा अधिवेशनमा महाअभियोग प्रस्ताव दर्ता भएको तर उक्त अधिवेशनले टुंगो नलगाएका कारण सो प्रस्ताव नै अवैध भएको जबराको दावी छ ।


Published :१५ भाद्र २०७९


Copyright : © 2020-2024 All right reserved

Developed by: Abritti Media