Show/Hide Menu
ताजा समाचार
बुढानीलकण्ठ। बुढानीलकण्ठ नगरपालिका वडा नं – १ ले आधारभुत उद्घोषण तालिम कार्यक्रम सम्पन्न गरेको छ। बुढानीलकण्ठ नगरपालिका वडा नं – १ को कार्यालय तौलुंगमा ९ दिन सम्म चलेको तालिम कार्यक्रमबाट दुइ दर्जन भन्दा धेरै स्थानीय महिलाहरु लाभान्वित भएको वडाध्यक्ष सुरेन्द्र लामाले जानकारी दिएका छन्।
बुढानीलकण्ठ नगरपालिका वडा नं – १ का सदस्य चण्डिका रैलाको अध्यक्षता एवं वडाध्यक्ष सुरेन्द्र लामाको प्रमुख आतिथ्यतामा आज आधारभुत उद्घोषण तालिम कार्यक्रम समापन समारोह सम्पन्न भएको छ। समारोहमा प्रशिक्षक रमेश न्यौपाने , वडा सदस्यहरु, राष्ट्रसेवक कर्मचारीहरु सहित दर्जनौ सहभागीहरुको सहभागिता रहेको थियो ।
आजको कार्यक्रममा वडाध्यक्ष सुरेन्द्र लामा,सदस्य चण्डिका रैला, राष्ट्रपाटी डट कमका सम्पादक सन्तोष लुइटेल , प्रशिक्षक रमेश न्यौपाने लगायत सहभागीहरुले आफ्नो मन्तव्य राखेका थिए।
समारोहमा तालिम प्राप्त सहभागीहरुले वडा कार्यालयको प्रशंशा गर्दै भविष्यमा समेत यस्ता कार्यक्रमहरु संचालन गर्न आग्रह गरेका थिए।
