Show/Hide Menu
ताजा समाचार
बुढानीलकण्ठ। बुढानीलकण्ठ नगरपालिका, नगर युवा परिषदका कार्यकारी उपाध्यक्ष रुपेश भट्टराई आफ्नो पछिल्लो २ वर्षे कार्यकाल पुरा गरेर विदा भएका छन् । उनले यस अघिपनि २ बर्षको कार्यकाल पुरा गरि पुन नियुक्त भएका थिए। बुढानिलकण्ठ नगरपालिका वडा नम्बर ८ निवासी भट्टराईले यस अघि नगर प्रमुख उद्वब खरेलको कार्यकालमा पहिलो नियुक्ति पाएका थिए भने उनको दोश्रो नियुक्ति हालका नगर प्रमुख मिठाराम अधिकारीको कार्यकालमा भएको थियो। उनले बुढानीलकण्ठ नगरपालिका, नगर युवा परिषदका कार्यकारी उपाध्यक्षको रुपमा आफ्नो ४ बर्ष विताएर विदा भएका छन्।
नेपालका ७५३ स्थानीय तह मध्ये केही स्थानीय तहमा मात्र नगर युवा परिषदहरु गठन भएका छन् । जसमध्य बुढानीलकण्ठ नगरपालिका, नगर युवा परिषद सक्रिय र सफल रहेको धेरैको बुझाई छ।
आज सामाजिक संजाल फेसबुकमा एक पोष्ट गर्दै उनले बुढानिलकण्ठ नगरपालिकाका प्रमुख तथा नगर युवा परिषदका अध्यक्ष मिठाराम अधिकारीलाई आवश्यक दस्तावेजहरु हस्तान्तरण गर्दै आफु जिम्मेवारीबाट विदा लिएको घोषणा गरेका छन् ।
उनि आफ्नो सामाजिक संजालमा लेख्छन – ” बुढानीलकण्ठ नगरपालिका, नगर युवा परिषदको कार्यकारी उपाध्यक्षको रुपमा ४ बर्षे कार्यकाल सम्पन्न गरी आजबाट बिदा हुँदैछु।स्थापनाकाल बाट नगर युवा परिषदको नेतृत्व गरिरहँदा स्थानीय सरकारसँग प्रत्यक्ष रुपमा जोडिँदै यो उर्वर भुमीका थुप्रै उर्जाशील युवाहरूसँग नजिकबाट काम गर्ने अवसर प्राप्त गरेँ। ४ बर्षको यात्रा मेरा लागी सिकाइ र अनुभवको विश्वविद्यालयको रुपमा रहेको छ। यो अमुल्य ज्ञानलाई आगामी दिनमा परिषदको संस्थापक उपाध्यक्ष तथा एक शुभेच्छुकको रुपमा आवश्य बाँड्नेछु। मलाई विश्वास गरी जिम्मेवारी प्रदान गर्नुहुने तत्कालीन नगर प्रमुख उद्धव खरेल र वर्तमान नगर प्रमुख मिठाराम अधिकारी प्रति कृतज्ञ छु। समस्त कार्यपालिका परिवार, कर्मचारीवर्ग, स्थापनाकाल देखीका परिषद सदस्यहरु, वडा युवा परिषद परिवार र यो यात्रामा साथ र सहकार्य प्रदान गर्नुहुने यहाँहरु सबैमा हार्दिक धन्यवाद अर्पण गर्दछु। ”
नगर युवा परिषदको कार्यकारी उपाध्यक्षबाट भट्टराईले विदा लिए संगै नयाँ उपाध्यक्षको खोजी शुरु भएको छ। उक्त पदमा नियुक्तिको लागि धेरैले दावी गरिरहेको बताइएको छ।
